top of page
Օվկիանոսն ագրեսոր սովորական
նվաճում է քաղաքը կես ժամվա մեջ
ապա վերադարձնում ափին
այն հարթելուց հետո ամբողջապես
ասես կռիվը իր
ոչ թե տարածքի համար էր
ու հարստության
այլ ընդդեմ կյանքի բացառապես
որ աճել էր այնտեղ
մամուռի պես
հ.գ. գործը ավարտված է
այդ մասին խոսում է
երկնքից կախված գերանդու կեռը
կողքի վրա քնած սատանայի
հ.գ. 2 Տեր փնտրիր ինձ այսօր համացանցում
Քո իսկ պատկերով ու նմանությամբ
ապացուցիր որ կաս
կասեցրու ջրերի բարկությունը
եւ կամ ինձ սովորեցրու ինչպես անել
գիտե՛մ որ մեջն ես
արագացրու
bottom of page