top of page
(կամ ըստ վերջին տվյալների)
…Ժամանակը պարզվում է գծային չէ
այն ունի կորեր անակնկալ
տիեզերքը սառչում է ու
ընդարձակվում
դուռ-դռան հարեւանս հոդացավով
կանխազգում է անձրեւը չորս օր առաջ
եղանակի մարդը` նոր մարգարե
գուշակում է գույնը մայրամուտի
էլ ի՞նչ – անջատում եմ TV-ն ու մտածում
– իմացության համար նոր բան գումարիր գիտեցածիդ
իմաստության համար` հանիր
ասաց հայրս
(որ կարդացել էր միտքս մյուս սենյակից)
ծունկն առաջ
կոպտորեն ներս քաշելով
դրսի դուռը
ի դեպ նա միշտ էր
որպես ռիտուալ
կոնկրետ այդ ժամին
կեսգիշերվա
ցնցելով ներս քաշում
դրսի դուռը
բանալին աջ-ձախ
պտտելով
bottom of page